Kab, kahan, kaisay yeh pachaas pal beet gaye (When, Where, How Did The 50 Moments Pass By)

I wrote this on my 50th birthday in Jan 2012….

Chaltey, Dorhtay, thamtay, sambhaltay 

Gham-o-khushi kay tapaktay aanswoN maIn

Aik achanak palak jhabaktay lamhay maiN

Kab, kahan, kaisay yeh pachaas pal beet gaye

 

KitneeN khooshian, kitnay gham day kar

KitnaiN bharosay, kitnay bharam dekh har

kitnaiN mausam, KitneeN Raatain nibah kar

Kitneen khamoshian, KitneeN batain sun kar

 

            Aik achanak palak jhabaktay lamhay maiN

            Kab, kahan, kaisay yeh pachaas pal beet gaye

 

Aik maaN ki duaa, aik baap ka uboor

aik bhai ka haath, aik behan ka pyaar

Sub nay mil kai raasta banaya meray liye

Kahin kaantay kaatay, kabhi patthar hata diye 

 

            Aik achanak palak jhabaktay lamhay maiN

            Kab, kahan, kaisay yeh pachaas pal beet gaye

 

Kia ustaanee Jee ki who pehli Bismillah

Kia ustaad janaab ka who aakhree misrah

kabhi sochta hooN apni chaati main jhaank kar

Kitna samjha, kitnaaN bhoola, kitnaN zaaya kar diya

 

            Aik achanak palak jhabaktay lamhay maiN

            Kab, kahan, kaisay yeh pachaas pal beet gaye

 

Woh subh-e-nau ki kirnoN maiN, aik ishq ki sehr,

Aik rukhsar-e-gulab say dilrubai ka aghaz-e-asar

Woh shab-e-roz deedar maiN, dil-e-nadaaN ka behr 

Charhtay chaand say dhaltay sitaroN tak, bila manzil safar. 

 

            Aik achanak palak jhabaktay lamhay maiN

            Kab, kahan, kaisay yeh pachaas pal beet gaye

 

Uskay Izhar-e-mohabbat-o-wadah-e-wafa ka azum,

FurqatoN-o-fasloN ka khatam, Shab-e-qurbat ki qasam,

Apni agosh main rakh kar barhai meray pyar ki kahani

Chalaa aik aur safar pay hamrah auladoN ki zabani.

 

            Aik achanak palak jhabaktay lamhay maiN

            Kab, kahan, kaisay yeh pachaas pal beet gaye

 

Rizq-e-hilal kay aahaatay maiN guzaree hai kamanaiN ki kashish,

Mehnat, usool, sachaee, khidmat-e-jejan ki kari hai juztajoo.

Quran-o-Sunnah ki roshni-o-sayaay main kari hai yeh kohshish 

Maalik-o-shagirdh milay hassass, yeh tu poori hui hai dil ki aarzoo. 

 

            Aik achanak palak jhabaktay lamhay maiN

            Kab, kahan, kaisay yeh pachaas pal beet gaye

 

Kiya dia, Kiya nahiN; kahaN liya par diyaa nahiN, Sohaib

Yeh tau janoN gay jab aakir meiN baithi gi Kursi-e-falak

Filhal kitnay puray kiyay haiN apnaiN usool-o-khuwab,

Yeh khalish rahay gi Uss kay jawaab kay sar honaiN tak

 

Kyoonkay…

 

 

Chaltey, Bhagtay, thamtay, sambhaltay 

Gham-o-khushi kay tapaktay aanswoN maIn

Aik achanak palak jhabaktay lamhay maiN

Kab, kahan, kaisay yeh pachaas pal beet gaye

About Sohaib Alvi

C-Suite Corporate Executive, MBA, Author, Writer, Blogger, Editor, Anchor, TV & Radio Analyst but above all a citizen of the world with a responsibility to live with my personal motto: Have Integrity; Share Knowledge; Create Distinction; Help People.
This entry was posted in poetry and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s