Aaj Ka Din

Aaj ka din hum naiN buss aik baar daikha hai
Aaj kay din unhaiN dil mein utartay daikha hai

Tumhain fakhar hai bagh-e-firdous kay deedar par
Hum naIN tu un koh muskaratay huay daikha hai

Abb bhalay bajae koee manzar-e-jehan ka dhandora 
Hum naiN tu kainaat ko inn aankhoN mein daikha hai

KahaiN unn say kaisay keh kabhi na parha na suna 
Saaz, ghazal, mehek ka chehra hota hai, aaj daikha hai 

Aaj ka din hum naiN buss aik baar daikha hai
Aaj kay din unhaiN dil mein utartay daikha hai

Woh kiya jaanaiN unkay shikaar pay kya guzarti hai
Hum naiN tu kamaan say teer ko aatay daikha hai

Tum faqeer kay aansoo ko maantay ho hud-e-faryaad
Hum nain tu apnay dil ko girgirahtay huay daikha hai

Kon firoN kehta hai keh mein nahi tu kuch bhi nahi
Hum nain apnay wojood ko khamakhan ka daikha hai

Aaj ka din hum naiN buss aik baar daikha hai
Aaj kay din unhaiN dil mein utartay daikha hai

Qalb kay aik pas-o-pash pay sarkash paraishaan hota hai
Hum naIn tu kaee lamhay apni nafs ko thairhay daikha hai

Suna tha khoobsoorti kay daam seerat mein lagtay haiN
Hum naiN tu unmein inko aik hee mein bunaa daikha hai

Kia karaiN, Kisssay kahain maikada bhi hum par hansta hay
Hum naiN tu din daharhay kehkashaaN ko daikha hai

Aaj ka din hum naiN buss aik baar daikha hai
Aaj kay din unhaiN dil mein utartay daikha hai

Raat bhar jotushi parhta hai sitaroN kay fail-o-amal
Hum nain tu suraj ki kirnon mein chaand  dekha hai

KhwaboN kay saraab mein tu khalqe khuda ghoomti hai
Hum nain tu aaj khwab kee tabeer-e-amal ko daikha hai

Baipanah duagoh hooroN kay talabgar rehtay haiN Sehbi
Hum naiN tu aaj un kee malka ko yaheen pai daikha hai

Aaj ka din hum naiN buss aik baar daikha hai
Aaj kay din unhaiN dil mein utartay daikha hai

About Sohaib Alvi

C-Suite Corporate Executive, MBA, Author, Writer, Blogger, Editor, Anchor, TV & Radio Analyst but above all a citizen of the world with a responsibility to live with my personal motto: Have Integrity; Share Knowledge; Create Distinction; Help People.
This entry was posted in poetry and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s